Gizakiek hobera egiten dute
adinean aurrera joan ahala

Urteek aurrera egin ahala, maizturik nago;

haitzurdinezko uhandre bat ni, eguratsak marruskatua

errekastoen artean,

eta egun osoan zehar

andere horren edertasunari begira nago,

edertasun hori liburu batean irudikaturik

aurkitu banu bezala,

atseginez beterik begiak ase ditudalako,

belarriak erne atseginez beterik,

zuhur petoa bainaiz, ezen gizakiek hobera

egiten dute adinean aurrera joan ahala;

eta, hala ere, hala ere,

hau ote da ba nire ametsa, edo egia?

Oi, elkar aurkitu izan bagenu

nik gaztetasunaren sua neukanean,

baina amets artean zahartzen ari naiz,

haitzurdinezko uhandre bat ni, eguratsak maiztua

errekasto artean.