PLASTILINA ARMAGABETUA

“Askatasuna!”

oihu etsia, pintada maiztu bat

periferiako ainube kiratsean.

Zoriontasuna lorrezina da.

Plastilinazko poz zatitxoekin

konpontzen dira

hormigoizko murru arrailduak.

Errepikapen hutsez

eskuburdina bihurtutako

kafe hutsa esnatzeko,

infusio somniferoa lokartzeko.

Zoriontasuna lorrezina da.

Haragizko adabakiak

josten dizkiogu

ohar irakurgaitzek

gainezkatutako

agenda iskanbilatsuari.

Nago plazera

hesiaren bestaldeko

landare belarkarak bazkatzeko

lepoa alanbre artean

kateatzen duen

ardiaren antzeko ilusioarekin

ez ote dugun bizi

igande arratsaldeak bereziki.