Pozaren erdia
Pozaren erdia
2022, poesia
88 orrialde
978-84-19570-01-7
Azala: Nagore Amenabarro
Harkaitz Cano
1975, Lasarte
 
2023, poesia
2018, nobela
2015, narrazioak
2011, nobela
2005, narrazioak
2001, poesia
1999, nobela
1996, nobela
1994, poesia
 

 

MARE CRISIUM

 

 

Astronautak galde: “Noiz da ilargian uda?”.

Gerezi hezurrez beteta dauzka patrikak

eta berdin ezarri nahi lituzke mertxikak;

banderak landatzea ez da bere ardura.

 

Asteroidea erori, krisia lehertu da.

Eztabaida sutsuetan itorik birikak,

sumendiaren borborra, arima goitika.

Joan eta bila, hain zulo handian ura.

 

Krisiaren itsas likitsetik nola atera?

Grabitate eza, astuntasunaren truke:

gatazkaren ifrentzua omen da aukera.

 

Gorrotoa zikin-estali, baretu herra.

Ez eraistea bera bada aski ereite.

Laztandu mapa aurrena, eta gero, kraterra.