Pozaren erdia
Pozaren erdia
2022, poesia
88 orrialde
978-84-19570-01-7
Azala: Nagore Amenabarro
Harkaitz Cano
1975, Lasarte
 
2023, poesia
2018, nobela
2015, narrazioak
2011, nobela
2005, narrazioak
2001, poesia
1999, nobela
1996, nobela
1994, poesia
 

 

SIESTA

 

 

Bakarrik egin duzu, hala egin nahi ezta;

mundutik sator-zulora erretiratzeko

sofan oskoldu eta zirkuitu-laburtzeko

moduko koartada fina besterik ez da

 

kixkali aurreko itzalaldiaren festa.

Udan sargoria arintzeko nola etxeko

zirrituetan barna korrontea sortzeko

ate-leihoak aireztatzean duzun kezka,

 

berdin dagizu katuarena, bertan goxo

arratsa partituz, izan uda izan negu.

Aharrausia da asperkeriaren defentsa.

 

Siesta, doike, lo-aldi luzearen entsegu,

baldin esnatzekotan garaiz eta airoso:

ametsik eza bera, arnasarentzat sosegu.