GERLA BAT NORBERARENA

Gerraz, teoria dakite soldadugaiek,

asko jota, arma bariko axedrezerako:

“Muntatzen jakinik, desmuntatzea antzerako

da”, diotsete maitaleei kabo alaiek.

Noizbait hezurren bat apurtu zieten haiek

soilik dute hezurren izenak erakusteko

deretxoa; gutun ederrenak diktatzeko

tentsio doi-doia damaie buruz gain saiek.

Bi menia arratsero: maitaketarenak.

Kataloxak altxatu uros izarretaraino;

zure dira astroak, ez askatasunarenak.

Aro txarrak atzerarazi du hurrengo dema.

Musikari gehiago behar soldadu baino,

dantzatzeko, noizbait, gerla bat norberarena.