IRAKASLEAREN SEXU HEZIKETA

aita lo dagoenean muxarrak ihes egiten dio

igeri joaten da amaren marmoxan gordetzen da

hantxe gelditzen da pegatxita marmoxaren mukian

eta goizean esnatzen denean aitak muxarra falta

amari kendu nahi dio baina ezin du

amak pegatxita daukalako muxarra marmoxan

eta orduan maitaketan hasten dira garrasika

bai bai bai maitaketa borroketa

egunen batean ohea apurtu behar dute askotan esan diet

muxarra marmoxatik ateratzeko borroka da maitaketa

eta nik hiruron gosaria prestatzen dut nekatuta etortzen baitira

aitak beti harrapatzen du muxarra ezagun du galtzetan

baina beti ez larunbat eta igande goizetan bakarrik

astegunetan ama goizean goiz jaikitzen da lanera joateko

eta lantegira eramaten du muxarra marmoxan

horregatik esnatzen da aita horren haserre astegunetan

astegunetan ezin du maitaketan inorekin egin

amak eraman duelako muxarra marmoxan