HAURREN MUNDURATZEA GURASOEI ESPLIKATUA

badakizu

izeba hezur berritan da

horrela esaten da

inor haur baten esperoan dagoenean

hezur berriak dauzka

horregatik hazten zaio tripa

—ez dut joan nahi!

badakizu

hezur berriak ditu

haurrarenak

horregatik hazi zaio tripa izebari

haurra daukalako barruan

laster lehengusu bat edukiko duzu

—ez dut joan nahi!

laztana

gaur azaltzekotan geratu ginen

afari goxoa prestatu digute

eta mahaian aspertzen zarenerako

hamsterrak erosi zituen

zu joaten zarenean haiekin jolasteko

—ez dut joan nahi, izebak jan eginen nau!