HIZKUNTZA IKASTEN

ahuntzaren gauerdiko eztula

kanpaijoleak ere lo egin behar duenez

ez bat eta ez bi

asko eta asko baizik

zenbat buru

hainbat arto

aho batez

zenbat aburu

begiz jo

eta bihotza hautsi

zakurraren biolina

katuaren marrua

atepeko hostoa

postontzirik ez dugulako

idiak baino lehen zintzarriak erosi

gurdiari lotzeko

gureak egin du

harro egotekoa da

ez bururik ez buztanik

antxoak oliotan bezala

hutsaren hurrengoa

azpitik ala gainetik?

idiak min gurdiak marru

horrela kexatzen da akuilua

hankak jaso

teilatua baino lehen

su txipian erre

baina ke handitan epeldu

zoaz antzarak ferratzera

adarra jotzeko mailuarekin

txapel batekin bi buru estali

edo buru bat bi txapelekin?

erreka joko dugu

nik pianoa bezala

barruak agintzen badizu

burujabe zara