BEKOZKOEN INTERPRETAZIOA

mahaian lotzeko aulkitxoa erosi dute

laster sartu beharko ditut eskuak babarrunetan

argazki gogoangarriak egin diezazkidaten

ez zait ergelkeria bat gehiago sartzen buruan

baina ez dut aurkitzen neure lehen hitza

gozopoto hauek jotzea merezi duten harria

haurtzaindegia aipatu dio auzoari amak

milioika urte dira titia kendu zidala

eginen nuke uste duela ez didala ezer zor

aita izan behar dudana ezin dut ikusi

lo hartuarena egiten dut musuka ez nazan

bere ametsetara eraman nahi nau

hauek margotu zuten nire gela pozak zoratzen

bizi osoan izanen naiz naizenen alaba?

ez ahal dute, baldinbaite, beste haurrik ekarriko!