ADISKIDE BI

—kontuz autoekin

ez zaitzatela zapaldu

bidea iragaiterakoan, esan zion zakurrak

—zaindu hire larrua

—eskerrik asko, laguna

erantzun zion katuak

—orain pobre bizi haiz

baina noizbait

txanponez betea egonen haiz

—ba ote?

ikusi duzu inoiz

zakur bat irri egiten?

orduantxe egin zuen irri zakurrak

—katanarrua eginen ditek

hire larruarekin, laguna!

eta honelaxe erantzun zion katuak

biboteak harrotuz:

—hoa zakurraren salara!