KAIOAK

Dozenaka kaio itzulinguruka

merkatalguneko zabortegian,

hara eta hona

barazki eta arrain ustelduen artean,

sagutzarrei mokoka

kartoizko olatu karratuen inguruan,

goseak amorratuak,

odolak erotuak,

itsasbazterretik urrun.

Portuko uretan, berriz,

koipea eta petrolioa,

buiak eta ohol zahar eta errariak,

plastikoren bat

eta lauzpabost kaio erromantiko

itsaso preso eta bareko ur lohiotan,

balantzaka

bihotza noiz geldituko zaien

axola gabe,

lauzpabost kaio erromantiko

balantzaka

axola gabe.