Bilbo dub kronikak
Bilbo dub kronikak
2004, poesia
88 orrialde
84-95511-65-7
azala: Paddy Rekalde
Paddy Rekalde
1964, Deustua
 
2011, poesia
2006, nobela
 

 

GASOLINDEGIAN

 

Kikildu egin zen

tailer itxi hartako atean,

kikildu

hotzak balego bezala.

 

Eta gasolindegian depositoa

betetzen ari nintzela,

haren beldurrezko begirada

jaso nuen,

ezer ulertu gabe.

Ikara bere begietan

eta gorputz kikilduan.

 

Depositoa bete

eta barrura sartu nintzen

ordaintzera.

Minutu batez-edo.

 

Handik irten eta

berriro ikusi nuen gizon hura,

baina bata zuri bat jantzita eta

ohatila bati zinturoi sendoez lotuta;

ondoan hiruzpalau gizon luze

eta psikiatrikoko furgoi bat;

eta gizon haren begietan,

oraindik niri zuzenduak,

begirada ikaragarria,

beldur izugarria.

 

Infernura eraman zuten.