Hori da

Ezar diezaiogun izena neguaren fruitu bakoitzari

Zazpi otarrain hazi ditut erraietan

Etengabeko lanbroa bezain mendekariak

Hagitz lauak dira orenak urrun zaretenean

Lagunak ditut orain gogoan, ez otarrainak

Bakardadeaz mintzo zatzaizkidanean zikloaren aztarnetan

Eta urak inoiz gure uhartea irentsiko duela

Edo aieru hori duzula bedere, gure etxeak, ostatuak,

Goletak eramango dituela harkaitz zorrotzerantz

Ahaztura ezpal bilakatuz, kaolinezko amapola