Egunak eta hostotsak

eman ditut etxetik lekora

tren urrunei lotu nintzaien

lore moreen zelaitik haruntzago

eta horretan bizitu nituen suak

iluntasunaren lau ertzetan

orain, gure begiak ez dira

ur izoztuak baizik

oroimina nolabait estali nahiean

eta elurretan gara paseatu

ezponden bidean

eskuak habietan, ibaietan

hegaberak, zozoak edota odoleztaturiko

abionetaren bat idoro nahiean, agian.