HITZAREN ZORTEA

Urteen joan-etorrian

hainbat gizonek

bidalitako eskutitzak jaso ditut

esanez

nire liburuak

irakurri izanak

laguntza eman diela

ataka gaiztoak gainditzeko,

aurrera egiteko.

hori bai laudorio aparta

alajainkoa

eta badakit zer

esan nahi duten:

kementsu irauteko

ene pultsuaren laguntzaile ziren

irakurketak

Fante, Dostoievski,

Lawrence, Celine, Hamsun

eta beste.

hitza

orrialde gaineko haragi gordina,

gure infernuekiko

antzekotasunak,

dena datorrenean

tupustean eta

indar

berezi batez...

hitz horiek

eta hitzek berek kontatzen

dutenak

lagundu egiten digute

eta erdietsi ere bai

gure ipurdiek

suak zeharka ditzaten.

liburu on bat

gai da

bizitza

kasik ezinezko bat

bizigarri bihurtzeko

bai irakurlearentzat

bai eta ere

idazlearentzat.