GAU INTERESGARRIA

Nire txorba jo-ta-birrintzen hasi zen nire botila guztiak

nire whisky botilak eta nire garagardo botilak,

bitartean garraxika eta marruka zebilela,

gero kalera irten zen korrika.

5 minutu geroago 3 polizia sartu ziren,

bata errebolberra eskuan, eta zenbait itaun egin zuten

horietako bat honakoa:

zertan e’iten duk lan?

idazlea nauzu, esan nion.

txakurrak irri-plantak egin zizkidan,

idazmakinara hurreratu, orri batzuk jaso

eta leitzen hasi zen.

suizidioaren esanahiari buruzko

2.000 berbako nire saiakera zen.

ez zuen ematen arras interesaturik.

txakurradak hanka eginda

ni zuzen joan nintzen Altadenara eta bertan lo egin

22 urteko neskatxi batekin lapiko artean

3 katurekin 3 homosexualekin

7 urteko mutiko batekin

zakurra eta 60 bider 50 zentimetroko argazki batekin

supazter-txokoaren gainean zintzilik,

jakintsu-aurpegiz.