KOMUNISTAK

Erriberara gobernatu genituen emakumeak

bata bestearen atzean ganadua lez

atxikirik zitzaiela izua arrozezko haien buru ergeletatik

atxikirik haurtxoak

sagutxoak bezala txupaka eta airean arnaska

milioika aukeretatik bakarra zutela bizirik irauteko;

tirokatu genituen gizonezkoak

zirkuluan belaunikarazi ahala,

eta gizonezkoen heriotza

ez zen benetako heriotzara heldu,

filme baten antzeko zerbait izan zen,

dena zen gizonengan armiarmen beso eta hanka

eta jantzi-puxka bat

organo sexualak estaltzeko.

gogorki jaiotako gizonak gogorki hil zitezkeen

eta hantxe zeuden orain luze-luze lurrean,

hilik azkenean,

bihurrituz zihoala eguzkia

nahasmen misteriotsuzko haien abegietan zehar.

emakumeetarik batzuek errifleak erabil zitzaketen.

destakamendu txiki bat

utzi genuen bertan haiekin zer egin

erabaki arte. gero su eman genien oraindik

erraustu barik zeuden txabolei

eta hurrengo herriskarantz abiatu ginen.