Hitz etena, Eustakio Mendizabal "Txikia"ren olerkiak
Hitz etena, Eustakio Mendizabal "Txikia"ren olerkiak
1992, olerkiak eta bertsoak
150 orrialde
84-86766-40-0
azala: Garbiñe Ubeda
Jon Arano
1961, Itsasondo
 
2002, poesia
1991, poesia
1985, poesia
 

 

AURTXOAREN BILLA

      Lazkau: 1965' eko Lotazilla' k 24

 

Gaur edo biar datorren

semearen zai dagon

amak baño gogo-bizi-

agoz ziñudan itxedon.

Aurtxo! Lau aste auetan

zure irrikiz, txoro

nenbillen igarleak i-

garria nun idoro.

Jaio-urren ziñala ba-

kar-bakarrik nekian...

Bañan nork esango zuken

borda illun, txikian

arki bear nula Jainkoa

askatxo xar batean

billutsik, otzaz dardarka,

asto-idi artean?

 

Zure billa nenbilkizun

alaitasun osoaz,

zure galdezka, jauregi-

tako ateak joaz:

—«Esan zaidazu, etxe on-

tako emakumea

zuenean jaio al dan

Jainkoaren Semea.

Bere ondoren nabilki-

o ta ez dut oraindik

jaiotza lekuaren az-

tarnik jaso iñundik».

—«Aurra izateko zai zeu-

den senar-emazteak

arestian oi-eske jo

dizkigute ateak.

Bañan eskupeko bat e-

manda joan dira biak»,

erantzun didate itan-

du ditudan guztiak.

 

Untzak erdi-itoan da-

dukan estalpe xar au

ikus-orduko uste be-

rriak gogoz jantzi nau.

Ikus-miñak bultzata o-

nuntzaratzean, orra!

Jauregi ederretan bi-

llatzen nuan altxorra,

negu-gorrian billutsik,

abereen erdian,

zurezko aska xarrean

apaltasun aundian!

 

Nork dazaguke Zugan

Aitaren Seme bakar,

zeru-lurrak utsetik sor-

tu ditun buru-azkar?

Nork desake zaitugula

oron Jaun ta Jabea

Israeli agindu ze-

nikion erregea?

Nork dakuske Aurtxo ortan

Dabideren ondore,

edo-ta Jerusalendar'

en aintza ta adore?

Nork sinetsi Zu zaitugu-

la obendun erria

uztarpetik aterako

digun Adan berria?

 

Aurtxo ez-gai gerta zera

Jainko utsa ziñana,

our utsa naizen onek ar

dezan Jainko izana!

Mugarik gabea, muga-

dun egin zera, Yabe!

mugadun naizen au izan

dedin mugarik gabe.

Guzien jaun ziñan ta a-

ra or, ezer gabea!

uts-ontzi naizen au dedin

Osoaren jabea.

Oro begi ziñana, gaur-

tik zaitut itsu-mutil,

itsu au dedin bidezko

ikusdunen argi-bonbil.

Ilkaitz Man gaur arte ta

gaur ilkor zera egiñ,

Zuretik asez betida-

nik ilkaitz izan nadiñ!