GOI-OTOITZ

      (Aita Domingo'ri, bere meza-herriaren zillar-eztaietan)

      Lazkau: 1966'ko Dagonilla'k 15

Emen erromes geran guzion

ardura duzun Aita-goi,

entzun zaidazu «gallur» ontatik

zuzentzen dizudan otoi.

Mende laurden da Zure mirabe

zintzoaz ziñala oroi,

Kristok landatu zun maastian

izan zediñ Zure morroi.

Gaurko egunaz gainditu zuan

«Golgota-mendi»gallurra,

zeru ta lurra elkarganatzen

dituan gure gallurra.

Gero eskuan artuaz lurrak

damaigun emaitz apurra,

Kristoren itzak esanaz, Zuri

sagaratu zizun lurra.

Maitasun-garrak bultzata gorputz-

animen osasun-billa,

igaro digu orain arteko

gizaldi laurden ixilla.

Ondasun lurkoiz iñoiz naasi

etzaizun Zure langilla

masti zaintzalle zintzo ta leial

urtetan izan dedilla!

Bizitz ontako urte onenak

eskeni dizkizu Zuri;

eta guretzat beti izan da

Zure Kristoren iduri.

Egizu orain, aurreruntz ere

izan dedin serbitzari,

gero Zerua eman zaiozun

egin dun lanaren sari!