GABON-GAUA

      Lazkau: 1966'ko Lotazilla'k 24

 

Gaurko arrats ixillean

nor leiken, bi orduz bederen, jakitun,

«Gabon» itzaren esan-nai

guzia adierazi dezaigun!

 

Bañan ez dago, ez itzik,

are gutxiago alako jakitunik,

gau onen ezkutukia

giza-argiz ulertu dezaigukenik.

 

Giza-aragiz jantziak

geranontzat, ziñez, burutu eziña,

Tomas donea bezela

sinismen-argi gabe, itsu bagiña.

 

Guzia ezerezetik

sortu eta mugarik ez dun Jainkoa,

Gotegunaren egitez,

or dugu giza-aragi-dun aurtxoa,

ta jaiotz arrigarri onek

Pake-gantzuz uki du ludi osoa.

 

Pakea! Askatasun, egi,

zuzenbide-maitasunezko pakea!,

degu gizarte zapaldu

onen larri-miñezko deadar-eskea.

 

Erri-zapaltzalle batzun

mendean datzan gizarte gaxoak

oiukatzen dun pakea

ekar digu aurtxo jaio dan Jainkoak.

 

Arrigarri! Bañan inork

ere ukatu ez dezaken egia!

Maitasunetik darion

pake-gantzuz zar-berritu da guzia,

negu-bildurrez dar-dar zan

agure-xar igartuaren bizia,

udaberriz izerdi ta

kemen berriz, indartu of dan bezela.

 

Bizia, maitasuna,

Pakea nabari da

zar-gazteen aurpegian

gaurko arrats ixillean.

 

Gizon-emakume,

zar, gazte eta ume,

berdin gerala dirudi

maitasun batean aundi.

 

Amaika sendi urratu

berri elkartu oi ditu

Jainkoaren Aingeruak,

eta gure inguruak

pozten ditun Gabon-Gaua'k.

 

Etxe ta auzoko

gaur dira bilduko

maitasun aundienean

maiaren aldamenean

eltze batetik jateko.

 

Ark turroi, onek intxaur,

bakoitzak zerbait dakar gaur,

eta mai ingurura

alai bilduko dira

auzoko zar, gazte ta aur.

 

Atzo ezin-ikusi

ziran langil-nagusi,

elkar-arteko gorrotoz

berriz aztuko dira gaurkoz.

Naiz biar edo etzi

elkar-joko berriz,

gaizkiaz dira ahantzi

Abendu'ko Eguberriz!

 

Aurtxo-xaloen jolas,

atsekabetuen arnas,

eta guziak Pakera

deitzen gaitun Ama

bai-degu Gabon-Gaua!