DIRDARI GABE ZAIT IL!

      Lazkau: 1966'ko Urrilla'k 9

 

Ogei ta bi urte...!

Amar-amaika eunkada aste...

Amaika amets-zalantzen kate...!

       Ogeita bi urte...!

       Oroipenen lerrokada luze...

       Ur leiar eta uarren naste...!

              Ogei ta bi urte...!

 

Ogei ta bi urte...!

Bizitza laurdena,

agian erdia,

agian azkena...

joan zait igesi!

Igesi ta ixil,

aurtengo udazken

goiz-aldean,

etorkizunaren

zalantzean

ni utziz,

dirdai gabe ta murritz,

bein-betiko zait il!

Galdu zait betiko

amets uts eta izunen billa,

uste gabe joan

zaidan, aldi motz, merke, ixilla...

Gela illuna doi-

doi argi oi dun argi-ikara,

aize-bufadak bat-

batean itzaltzen dun antzera...

 

                Il zera

                betiko,

                sekula

                aztuko

                etzaitudan

                gazte-aro...

                amaika

                oztopo,

                burruka,

                eraso,

                sortu didan

                aldi ero!

 

                Agur

                bada, agur...

                Agur

                aldi labur!

                Agur

                gazte samur!

                Agur

                naigabe-poztasun

                eman didazun

                lur!

                Bein-Betiko... Agur!