DESAGERTU

Barruko ahotsak esaten dit:

Desagertu.

Hego haizea denean esaten dit:

Desagertu.

Gauez ezin loak hartuta:

Desagertu.

Ezin dut, esaten diot, gorputza

arrasto handiegia da atzean uzteko.

Berdin da, esaten dit,

ustelduko da gorputza.

Ezin dut, esaten diot,

oinazea sortuko diet maite nautenei.

Mina arinduko da, esaten dit,

desagertu.

Desagertu, desagertu, desagertu,

desagertu, desagertu.

Lokartzen naiz azkenean.

Goizak iratzartzen nau,

ezer esan gabe.