LEHEN HITZ HORIEK

Hitzak isilaldi luzearen ostean; ongi da.

W. B. Yeats

36ko Gabonetan su-etena

izan zen Kalamuako frontean.

Eguberri eguneko bazkarian

mahai berean eseri ziren

ordura arte elkarren aurka

borrokatu zirenak.

Jakin gabe, biharamunean,

San Estebantxe egunez,

haietatik ehunka hilko zirela

erasoaldi bortitzean.

Zeri buruz egingo zuten hitz?

Euskaraz arituko ziren

Nafarroako eta Bizkaiko gazteak?

Maitasunaz egingo zuten berba,

kirolaz ala liburuez?

Zertan egingo zuten bat?