UME MUTUA

Eskolaurrean ez nuen hitz egiten.

Isilik geratzen nintzen

andereño Mari Karmenen magalean.

Goiz osoa altzoan.

Soilik entzun egiten nuen.

Eta tarteka begiratu.

Nola jolasten ziren kideak.

Kosta egiten zait mundua ulertzea,

ez da oraingoa.

Kosta hitz egokia bilatzea.

Beharbada horregatik naiz idazlea,

eleak hautatzen nabilelako

egunez egun, ele galduak.