SASIAKAZIA

Martxoko arratsaldea hotz.

Lorezainek ongi egin zuten lana.

Kimatu zituzten akaziak, bildu adabakiak.

Zuhaitz elbarrituen artetik goaz oinez.

Aluminiozko hodeiak,

materia beltza eskanerrean.

Duela gutxi arte zuhaitzen adarrak

loturik zeuden, pentsatu dut nik. Dagoeneko

ez dakizu ni maitatzen, pentsatu duzu zuk.

Errua ez da inoiz

batena bakarrik izaten.

Negua da, ez gaitu utzi nahi.