READY MADE ETA BESTE

READY MADE

«Mordechai Vanunuk oso-

rik bete du ezarri zioten kartzela

zigorra eta orain ezin diote beste

zigor bat ezarri. Ezin zaio beste

zigor bat ezarri dagoeneko bere

zigorra osorik bete duen pertso-

nari».

                        * 2004ko apirilaren 21ean

                          Berria egunkarian

                          Yoav Loeff-i elkarrizketa

BESTE

«Hautsi da anphora» zenioen

hautsi nahian kanta,

hautsi nahian harria,

hautsi tiriki tauki hautsi, baina gaur

hautsi dena anafora da, aspaldi

hautsi zen pertso

-nak hautsita.