KALADUN LOGELA

Astebete da hizketan aritu zinetela

hotel bateko logela zurian.

Zure hatzak haren hatzak birpasatzen,

haragi zati horiek munduaren mastak bailiran.

Koadro handi bi zeuden gelan, bietan kalak.

«Gogoratu, gero gogora dezagun», agindu zizun.

Gaur zerbaiten bila miatzen dituzu eskuak.

Eskuak aztertzen deus ere aurkitu gabe.

Zehatz gogoratzen dituzu kalak,

kala-sorta zuri estuak, ordu hutsen erretratuak.