GALDERA

Gelaz aldatu zuten

ostegun euritsu batean.

Armairuan 2 zenbakia letra txarrez idatzita.

Orbanak hormako paperean.

Bular gainean armiarma bat heriotza.

Zeharo puztuta zeuzkan hankak.

Derrigortu ezean, ez zen mugitzen.

Bizitza elur lohia lokietan.

Aurretiaz barrundatu genituen

katabut gainera amilduko ziren lur-zotalak.

Begiak estali zituen, inkesaka.

Galdetu nion: zer egin nezake

zure burezurra salbatzeko.