ZER DIOZU

Oso goiz jaiki zinen nire besartetik igandea izateko.

Ez da heldu hona birika itorik, eztarri ebakirik.

Zaude lasai, hemen arriskutik lekora gaude,

zure begiek asago behatuko dute.

Badut zure oinazearen berri,

ez da moldaerraza izan zure bardako askieza

uhin-hartak gure amesgaiztoen labarra jo duenean.

Ezin errendaturik gabiltza gainera datorkigun berdatea,

garaiz genbilzke haatik

bederatzi-lau-hiru aurre-zenbakia markatzeko.

Atzen-esku izateak badauka bere onura.

Fiteegi doan minutorratzak ez bezala

desizenez estalitako begitarteak nahi genituzke ezagutu,

debekua ederragoa izan dadin.

Ez dut nire burua haien izuen landetara entregatuko,

oraindik badugu ortuts ibiltzeko adina amildegi,

forentseak mende hau jasotzeko agindua eman arte

gutxienez.