Berbak legezko aiztoak
Berbak legezko aiztoak
1990, poesia
54 orrialde
84-86766-29-X
azala: Joanes Urkixo
Joanes Urkixo
1955, Bilbo
 
 

 

19

 

Poesia honen gauean euria dakar dio argiaren goaiak

kontzientziaren zulo hauek noraezeko bidearen atariak

basamortuetako ahotsak harresi hutsak baizik ez dira

 

Deusezaren erdigunean denboran zeharreko hariak

ibiltzen garen oihan eskergaraino mezua ekarri zutenak:

ametsen zama astunetik ihes egiteko abagunea

artaziak hartu eta unibertsoa zatika berregiteko abagunea

 

Musika kolorezko txorrota zerion gauari tantoka eta zu ere

etengabeko egian sortutako odol lurrinik preziatuena azkena

ilunabarreko zaurien azpian ez dakizula agur esaten

zeurere burua behera bota behar bait duzu egunero

zori egongaitzaren leize zulotik sagarreko sugearen laberintoan

 

Zure irudia orduan distiragai saxofonistak in the mad movie

zorioneko ametsak Mickey Mouse agure bat azken batean

zulonpo galdutan non denbora izoztu zitzaizun baita ni ere

zurea beti mitxeletak bidaliko dizkizut beharbada ai ene