Berbak legezko aiztoak
Berbak legezko aiztoak
1990, poesia
54 orrialde
84-86766-29-X
azala: Joanes Urkixo
Joanes Urkixo
1955, Bilbo
 
 

 

2

 

Koskortuko dira oraindik itxaropena eta balkoiko geranioa

Diotsat nik etxerako zidor aldaezinean jarraitzen didan itzalari

Buruaz dagiot adei herabetia makurtzeko kapelarik ez daukadala

Hosto zimelotan irla urrunak dakarzkidan brisara munduegileari

 

Eta parajeak mugidagabe dirau zuregandik ihes egitean

Semaforo gorrian gelditurik euriari jaurtiki diot galdera

Ea zertarako balio duen gaueko hiruretan zuregatik masturbatzeak

Ba ote den beharbada esperman itotzea zerbezan baino goxoagoa

 

Baina zure begirada oh darling algodoizko fereka izan zen bart

(Goodbye my love zioen Marlowek eta nik ere badezaket

zigarroa ezpainetatik kendurik bazter honetan hozki errepika)

Hainbat panpin anfetaminatu zilarrezko teilatu horietan blai

Kalerik zuzenen hau Minosko laberinto elektrikoa

getting the hell out of it neonezko keak papurtuta