13

Hautsi dezagun samindura egunsentiaren mailuarekin

Gorde dezagun hodei bat geure begien azpian

Eta irakatsi harriei egunerokoaren izena

Ezpain zorrotzak legezko piziti erraldoiak

Negua halako aztarna laga duzuen pizti egarriak

Zidorretan pausua oker ezazue oker

Gela hotz hauetan azkon pozoitsuak

Harrapa ez zaitzaten

Nire oinazean babesturiko ezpain miretsiak

Irribarre zoro hegalariak

Txori bidaztien antzera jendetzaren gaindi igaro

Nire begietan isiltzen ez diren ezpainak

Sekretuen zuhaitza desohostu egiten dutenak

Ispiluen diztirak, aurpegi zahar ezagunak

Zeru triskatuaren islada aintzina ezkututakoa