3

Bilbo Bilbo sutan dagoen berba mingotsa

erlojuak dioenean zoro hori ez dago zure eskuentzat pianorik

euria mara-mara erortzen 3x4 allegro moderato eta

Eros gordean euritakorik gabeko ibiltari bakartiei begira

Zenbat amets bazter honetan josi eta betirako galdu ziren

azken batean ez bait ziren metalezko murraila bat baizik

zerumuga ixten duena irribarre izoztu guztion gainetik

metalezko murraila denboraren fosil xuria

uhainaren apar iheskorra

Bilbo Bilbo maskaratua gure begien kolorekoa

sukarrez populaturiko deuseza uralitazko zerua

parke hezea non zementuzko pan arbolak papurtu egin diren

eta bitartean hego haizeak etorkizunezko gazteluak dakartza

hilzori amaigabe honen izerdiak betirako isuri daitezen