BESTE MOTA BATEKO
ENKONTRU HURBILAK

Joango gara filmea ikustera ala ez?

galdetu zion emakumeak.

tira-ba, esan zuen gizonak, goazeman.

ez diat kulerorik jantziko

horrela txortan egin ahal didak atzamarrez

iluntasunean, esan zuen emakumeak.

hartuko al ditugu arto-krispetak gurinarekin?

galdetu zuen gizonak.

jakina, erantzun emakumeak.

ez kendu kuleroak,

esan zuen gizonak.

zer duk? galdetu emakumeak.

filmea ikusi baino ez dinat nahi,

ihardetsi gizonak.

be’ira, esan zuen emakumeak, kalera

joan nintekek, kanpoan ehundaka gizon

za’ok txoratu e’ingo liratekeenak

ni e’ukitze’atik.

ondo da, esan zuen gizonak, hoa-ba kanpora.

etxean geratuko naun National Enquirer

irakurtzen.

hi putaseme hori, emakumeak, saiatzen

ari nauk harreman esanahitsua

eraikitzen.

ezin dun mailu batez eraiki,

esan zuen gizonak.

joango gara filmea ikustera ala ez?

galdetu zuen emakumeak.

ederto-ba, erantzun gizonak,

goazeman...

Western eta Franklin kaleen artean

gizonak keinukaria jarri

ezkerretara joateko

eta alboko karriletik zetorren gizon batek

azeleratu egin zuen

bidea itxi nahi balio bezala.

balaztak blokeatu ziren. ez zen

istripurik izan baina ia-ia.

gizona biraoka hasi zitzaion beste autoko

gizonari. gizonak biraoak itzuli zizkion.

gizon hark beste pertsona bat zuen auto barruan

berarekin batera. gizonaren emaztea zen.

filmea ikustera zihoazen

haiek ere.