ZALDIAK ETA UKABILAK

Boxeo-borrokaldiak eta hipodromoak

daude han non potroak erauziak

eta zementoan barrena torratuak diren

izatearen

substantzian eta hatsean barrena.

ez dago bakerik ez

lorearentzat ez tigrearentzat.

hori nabaria da.

nabaria ez dena arauak dira.

ez dago araurik.

zenbaitzuk saiatu egiten dira arauak aurkitzen besteen

irakaskizunetan

eta egokitzen dira

ikuspegi horretara.

niretzat

beste batekiko esanekoa izatea norberaren

deuseztapena da.

izan ere, izate oro antzekoa den arren

izate bakoitza desberdina da

eta gure desberdintasunak

lege bakarraren pean gordetzeak

degradatu egiten du

gizabanako bakoitza.

boxeo-borrokaldiak eta hipodromoak

jakituriaren tenplo dira.

zaldi berak edo gizon berak

arrazoi beragatik

beti irabazten edo galtzen ez duen bezalaxe

halaxe egoten da jakituria

batzuetan

geldirik

pausaturik

edo atzekoz aurrera jarrita.

oso-oso gutxi

dira

gidalerroak.

araurik ez

zantzua baizik:

erne eskuineko buruarekin

eta markagailuaren

azken argi-flasharekin.