MOZKOR-GELAKO EPAILEA

 

Mozkor-gelako epailea berandu

dator beste edozein

epaile bezala eta

gaztea da

ondo elikatua

edukatua

mainontzia eta

familia

onekoa.

 

guk mozkortiok zigarroak amatatu eta haren errukiaren

zain gaude.

 

fidantza ordaintzerik ez daukatenak dira

lehenengoak. «erruduna», diote, diote guztiek,

«erruduna».

«7 egun». «14 egun». «14 egun eta gero lekuz aldatuko

zaituzte Bergizarteratze-Zentrora». «4 egun». «7 egun».

«14 egun».

 

«epaile, hango morroiek ostiaka txikitzen zaituzte

bertan».

 

«hurrengoa».

 

«epaile, benetan txikitu naute ostiaka».

 

«hurrengo kasua, mesedez».

 

«7 egun». «14 egun eta gero lekuz aldatuko zaituzte

Bergizarteratze-Zentrora».

 

mozkor-gelako epailea

gaztea da eta

gainelikatua. janari larregi

irentsi du. lodia

da.

 

fidantzadun mozkorrak dira

hurrengoak. ilara luzetan jartzen gaituzte

eta epaileak arin

hartzen gaitu. «2 egun ala 40 dolar». «2 egun ala 40

dolar». «2 egun ala 40 dolar». «2 egun ala

40 dolar».

 

gutarik 35 edo

40 daude.

epaitegia San Fernando Road-en dago

txatartegien artean.

 

txinelarengana goazenean berak zera

diosku,

«zuen fidantza onartu egingo da».

«zer?»

 

«zuen fidantza onartu egingo da».

 

fidantza 50 dolar dira. epailetzak gordetzen ditu

hamarrak.

 

kanpora goaz eta geure

ibilgailu zaharretara sartu.

gure ibilgailuetarik gehienek itxura kaxkarragoa

dute txatartegikoek

baino. gutarik batzuek

ez dute

ibilgailurik. gutarik gehientsuenak

mexikarrak eta zuri txiroak gara.

trenbideetako terminalek kalea

zeharkatzen dute. eguzkia goian da.

ondo.

 

epaileak azal oso

xamurra

fina

du. epaileak

lodia du

paparra.

 

bagoaz eta autoz urruntzen gara

epaitegitik.

 

justizia.