KLIMAX

Hor nonbait egongo nintzen... Europan nonbait

II. ekitaldia, II. agerraldia

Sigfrido...

eraikin guztiak hartu zuen astindua

sugarrak hedatu ziren

munduaren akabua,

gorputzak airez jaurtikiak

pailazo eroak lez...

orkestra lasai jotzen ari,

«bonba da! bonba!» oihukatu zuen norbaitek.

bonba bonba bonba

bonba.

oratu egin nion emakume potolo errubio bati

urratu indarrez soinekoa,

gotterdammerung!

«ez dut hil nahi!» esan zuen errubioak.

operaren etxe guztia ari zen

behera amiltzen. odola

lurrean. sugarrak biziago.

kea. kea. deiadarrak. ikaragarria

zen. sartu egin nion

eztena.