Disoluzio agiriak
Disoluzio agiriak
2019, poesia
128 orrialde
978-84-17051-23-5
azala: Xabier Gantzarain
Jose Luis Otamendi
1959, Azpeitia
 
2014, poesia
2007, poesia
2000, poesia
1999, narrazioak
1995, poesia
1990, poesia
1987, poesia
 

 

KROMATISMOA

 

 

egunero samar etortzen zait gogora

nola sentitu behar duten beltzek

zuriz inguratuta

haien urtaro hondatuekin

haien memoria atzenduarekin

haien historia odoleztatuaz

jende zuria nonahi:

azoketan lantokietan antzokietan

bulego eta tenpluetan

aingeruak

Jainkoa

birjinak denak zuri

azal zuria denean

 

egunero samar etortzen zait gogora

balizko beltzen asaldura zurien artean

eta soberako larritasunik gabe

pentsamenduko tuaz beratuta

irensten ditut gogamenok

hala ere

batzuetan

horren ondoren

beste burutapen baten

sigi-sagak jotzen nau

udako lehen ezki hosto erauziei

emana begia

 

orduan azkuratsu gogora etortzen zait

nola sentitu behar duten zuriek

hainbeste zuriz inguratuta

haien urtaro hondatuekin

haien memoria atzenduarekin

haien historia odoleztatuaz

eta tarte sorgor baten ondoren

aldaketaren eta ekintzaren aukeren

bide bihurrietan sartuta

—hezur eta gezur zuriak—

ni neu eta gure paradisua itoko ez bagara

neure gogoetez beste egiten dut

ezki lurrinak hartutako etorbidean behera