Brisa lehuna jiraka dabil

Gauaren sabel beroan,

  Hilargia odolez asetzen

  Itsas gorrian enpoan.

    Milaka malko trabatzen dira

    Oinazearen zepoan.

Pena berdeen urrutimina

Desioen herbestea.

  Haize ustelduz betea dago

  Ibai antzuen hestea.

    Aidean josten dute miarmek

    Etsipenaren jertsea.

Uraren bizkar lehun horiztan

Irristu nahi du arratsak,

  Isiltasuna antsiz trentzatzen

  Zentzu nahasien adatsak,

    Infinitoan txistuka doaz

    Biziaren azken hatsak.