Bide gaiñean ezquia

Eultza barnean eztia,

Ene gogoa zahartzen ari da

Moral gaiztoac hecia.

Cecen haundiac balore

Biganch gazteac adore,

Ohe zurian hartu nahi nuque

Laztan gozotan amore.

Apirillean euria

Uztaillean eulia,

Negu beltzeco bacardadean

Hau sofrimena neuria!

Basoan garaztarroa

Larrean birigarroa,

Odola harri bihurtuz doa

Zaurion azal harroa.

Charac landare zalcorra

Harcaitz picoac malcorra,

Ihesi doan quehea dirudi

Ene zorion galcorrac.

Orri zabalac lastoac

Belarric haundi astoac,

Sofrimenduac leuntzen dizquit

Sentipen zacar bastoac.

Izar bacanac ortzean

Laiño gorrien brontzean,

Sendimenduac odoltzen zaizquit

Hillargui ixilla sortzean.

Ceruco larru gordiña

Gauaren zapi urdiña,

Nire penequin yostaca dabill

Aidean haice sorguiña.

Adar berriac musquilla

Hillac aurpegui zurbilla,

Izarren bueltan hodei illuna

Etsipenaren gurpilla.

Baso beltzean sasiac

Itsasoan ur gaciac,

Malco ixillac leun datozquit

Gau illunean haciac.

Suac egurra quizcali

Gauac eguna itzali,

Arrats lucean ene bihotzac

Tristura eciñ bidali.

Ibaiac urac ixuri

Pertsona beti minduri,

Ene bicitzac urtzen ari den

Elur zuria dirudi.