Denborarekin ikasi dut loreak

atzera ireki daitezen irteera gabeko kalean,

biharamunean ihesbiderik ez bada,

erlojuari eskatu beharko zaiola

uste denak ez daitezela bueltatu

eguzkiarekin batera,

deserosotasunean egokitzen jakin

behar dela.

Batzuetan, ametsik badago,

haziak ere plastikozkoak

egin eta, harrapaturik, milaka

ihes pentsatu behar direla ikasi dut,

nahiz eta ilusioak itxaronean

gogor izan.

Zuk lur jota utzi ninduzun,

baina bizia hareazko bilakatu dut, une

ederrenean soilik harrizko bihurtzeko.