Burua garbitzeko orduan, amama, zuri ikasi nizun:

— hari gorriaren kondairaren esanahi desberdinak

            ezagutzen

— zuriaren gardentasunari delirioak entzuten

— artilearekin eta hariarekin aldi berean josten

Soroan, amama, zuri ikasi nizun:

— haztean okertzen diren landareak entzuten

— Marie Kondo metodoa nire beharren arabera

            moldatzen

Sutean, amama, zuri ikasi nizun:

— Anariren letrak ulertzen

— gaztagin ez profesional gehiagoren beharraz

            konturatzen

— larruberritu daitekeela suge izan gabe

Baina, amama, zuri ikasi nizun:

— Ahuntzek sasiak jaten dituztela, baina aurrez

            zapaldua izan den belarra ez