Auzoan

haurrek soilik jaten

diote ogiari kurruskua, apurrak

ateetako markoetan iltzatuak daude eta

plazan andre zaharrak kontu

kontari bart gaueko iskanbilari

buruz eta gauza baten eta

bestearen artean Peneloperen senarra nondik ote

dabilen galdetzen du batek, besteak bizirik

al dagoen erantzun

eta momentu batez lasai dago auzoa,

ahaztuta uda bukatu dela, udazkena

hasi arteko tarte horretan bizi direla beti

zorriak iraungi dira eta, nola

denboraren bertikaltasunari beldurra dioten,

dutxako ileak ez ditu kendu inork oraindik.