0.I. ARAZOA: BEHARRIZANA

Begiak itxita

maitatu zintudan,

eternitateak

begiak dituelako.

Ikusi ahal izan banitu

begi gorri horiek

ezin izango zintudan

maitatu.

Baina zuk, bala gizona:

gauean amets handiak

estu irensten erakutsi

bazenidan ere,

hodeietan heriotza

etxea dela erakutsi

bazenidan ere, zu

izan zinen heriotza eman

zidan bakarra eta hori zen

nik momentu hartan

nahi nuen guztia.