HERRARIK GABE ESANAK

Etxeko postontzitik argazki hura jaso eta

hara, ene sudurraren arrastorik gabeko sudurra,

hara, ene begiez bestelako begiak,

hara, ene ilearen koloretik

bostehun galaxiatara dagoen ile kolorea.

Muinak kiskaldu ditut

ezaugarri komun baten bila

hutsean ari denaren

arduragabetasunarekin.

Ez nazazu herratsutzat jo

seme ohi deitzen badiot,

sei hilabeteren aldeagatik

ohi,

lau urterengatik

seme.