DARDARKA

Dardarka ari haiz, eskimalen errege,

espantuzko harkaitz izoztutik ikusten haut

negarrontzi baten lemazain, eskimal.

Urtaroen izenak apuntatu hituen kaier polarraz,

ez dagoena aurrena idazten duena baita asmatzaile,

ez dagoena idaztearen abiadan funtsatzen baita

edozein asmakari.

Apuntatze hutsetik sortuko balitz bederen

irrikatzen dena, eskimal.

Baina ez.

Dardara betiereko kondena zaik suertatu,

jaiotzetiko patu saihetsezin,

eskimal.