ASKO DA ENDROKERIK

Hemendik aldarrikatu nahi dut

gogotik gorputzera daridan

neure izaera berria:

moilako zamaketariarena.

Egoera berri hau   

eutanasiatik gertu dago,

zaldiak nahita egindako mugimendua,

bi lauki aurrera,

bat eskuinera

(edo ezkerrera,

hona hemen

askatasunaren muga)

xake-mateari harakiri traza

hartzen hasten zaionean

aduana kontrolaren aurrean

luzatutako beso haiei

borondatez

uko egitean.