ALTXORRA

Noraezean erratu nintzen, itsasorrazturik,

zure ezpainetan

orrazi-irlako mapa neramala.

Behea jo zuen ontziak,

kirrika egin zuen aingurak,

neure zurezko hanka,

neure altzairuzko kakoa,

neure loro eleanitza

eman nizkien dohaintza gisa

milaka museori.

Eskuak hondarrean

kaxa bat susmatu-haztatu-ukitu zuen,

kizkur bati atxikia,

zeina baita

orrazi ezkutatuaren aztarna

eta

edozein maparen

funtsa.