IRUZURRA

Gaur bakarrik egon nahi dut,

isiltasun eta agur automatikoaren artean

banatua ez izan,

neure burua besarkatu, bai,

irudi goraipatu-baina-aldi-berean-alferrikakotik

urruntzeko,

neure azala kulunkatu eta

(hozkirria!!!)

arrotza zaidan izaki batekin nahasi.

Neure imajinaren inguruan piramide

bat eraikitzea

beste desiorik ez dut.

Salbu eta antzematen bazaitut,

gertu

ala

ez.