ZURE ESKUAK

olgetan ikusi ditut zure eskuak

haizeak ateratako erroak bailiran

sukaldeko mahaitik leihorantz egin dute

akorde baten mugimenduan saretzen diren

hego hautsiak dira

leunagoak batzuetan latzagoak besteetan

lanpeturik ikusi ditut zure eskuak

nire gabeziak ulertzeko gai diren esku zaintsuak dira

mintzamoldea ahantzi ez duten esku ezpainkariak

izu guztiak gainditzeko gauza direlarik

maite ditut benaz

nire izena dakiten eskuak